کرکٹ ٹیم میں سب ہی سے اچھی دوستی ہے، صائم ایوب کا ڈپلومیٹک جواب

راولپنڈی (نمائندہ خصوصی)قومی ٹیم کے جارح مزاج اوپننگ بلے باز صائم ایوب کا کہنا ہے کہ ریڈ بال کرکٹ میں کسی بھی صورتحال کو ہلکا نہیں لے سکتے۔میڈیا سے گفتگو میں اوپننگ بلے باز صائم ایوب کا کہنا تھا کہ زیادہ سے زیادہ رن اسکور کرنے کی کوشش تھی۔انہوں نے کہا کہ ریڈ بال کرکٹ میں کسی بھی صورتحال کو ہلکا نہیں لیا جاسکتا، راولپنڈی ٹیسٹ کی پچ شروع میں مشکل تھی۔اوپننگ بلے باز کا مزید کہنا تھا کہ جو میچ چل رہا ہو صرف اسی کے بارے میں فکر مند رہتا ہوں، کرکٹ ٹیم میں سب ہی سے اچھی دوستی ہے، سب کے ساتھ کھیلنے میں مزہ آتا ہے۔واضح رہے کہ راولپنڈی ٹیسٹ میچ کے پہلے روز کا کھیل ختم ہوگیا پاکستان نے 4 وکٹوں کے نقصان پر 158 رنز بنالیے۔