اسلام آباد (نمائندہ خصوصی )وزیراعظم کے مشیر برائے قانون و انصاف بیرسٹر عقیل ملک نے کہا کہ تحریک انصاف کے اصل چیئرمین تو فیض حمید تھے، اڈیالہ جیل میں پیغام رسانی جاری تھی، فون پر ان کے رابطے جاری تھے۔
ایک انٹرویو میں انہوں نے کہا کہ بانی پی ٹی آئی کو جیل میں تمام سہولیات موجود ہیں، بانی پی ٹی آئی عمران خان کبھی ورزش کرنے والی مشین اور کبھی دیسی مرغی مانگتے ہیں، عمران خان نے جو کچھ کیا ان کو بدترجیل میں رکھنا چاہئے، عمران خان اپنی ہی باتوں سے مکر جاتے ہیں۔
