کرسٹیانو رونالڈو نے یوٹیوب کا گولڈن بٹن لینے کے بعد نیا ٹارگٹ چن لی

لزبن(نمائندہ خصوصی)پرتگالی فٹبالر کرسٹیانو رونالڈو نے یوٹیوب کا گولڈن بٹن حاصل کرنے کے بعد اپنا اگلا گول بتا دیا۔کرسٹیانو رونالڈو نے اپنا یوٹیوب چینل لانچ کرنے کے بعد صرف ایک دن میں ہی گولڈن بٹن حاصل کر لیا تھا اور اب وہ ویڈیو شیئرنگ پلیٹ فارم پر سب سے زیادہ سبسکرائب کیے جانے والے چینل کے جمی ڈونلڈسن عرف ‘مسٹر بیسٹ’ کو شکست دینے کے خواہش مند ہیں۔اْنہوں نے اپنی اس خواہش کا اظہار نیشنز لیگ میں پرتگال کے کروشیا کے خلاف میچ سے قبل میڈیا سے گفتگو کے دوران صحافیوں سے خوش گوار انداز میں کیا۔واضح رہے کہ کرسٹیانو رونالڈو نے گزشتہ ماہ یوٹیوب پر اپنے چینل ‘یو ا?ر کرسٹیانو’ کے ساتھ ایک دھماکے دار انٹری دی ہے۔اْنہوں نے دنیا کے سب سے بڑے ویڈیو شیئرنگ پلیٹ فارم یوٹیوب پر انٹری دیتے ہی 2 نئے عالمی ریکارڈز اپنے نام کر لیے۔رونالڈو نے یوٹیوب پر سب سے کم وقت میں 10 لاکھ سبسکرائبرز اور 1 دن کے اندر 10 ملین سبسکرائبرز حاصل کرنے کا اعزاز اپنے نام کیا ہے۔