جنوبی افریقی حریف پانچویں راؤنڈ میں ناک آؤٹ، شہیر آفریدی نے پروفیشنل فائٹ جیت لی

بنکاک (نمائندہ خصوصی)پاکستانی باکسر شہیر آفریدی نے جنوبی افریقہ کے پیٹرک آلوٹے کو پروفیشنل فائٹ میں پانچویں راؤنڈ میں ناک آؤٹ کردیا۔شہیر آفریدی اور جنوبی افریقہ کے پیٹرک آلوٹے کے درمیان یہ فائٹ بنکاک میں ہوئی جو پانچویں راؤنڈ سے آگے نہ جاسکی۔قومی باکسر نے اپنے حریف کو پانچویں راؤنڈ میں ہی ناک آؤٹ کردیا۔ اس فتح کے ساتھ شہیر آفریدی مڈل ویٹ کیٹیگری میں ورلڈ باکسنگ کونسل، ورلڈ باکسنگ ایسوسی ایشن اور ایشین باکسنگ فیڈریشن ٹائٹلز کا دفاع کرنے میں بھی کامیاب رہے۔علم میں رہے کہ پاکستانی باکسر شہیر آفریدی کی یہ 16ویں پروفیشنل فائٹ تھی۔