لاہور (نمائندہ خصوصی) پنجاب ایجوکیشن فائونڈیشن نے سکولوں کے طلبا کی ڈیجیٹل ویری فکیشن کا اعلان کر دیا ،طلبہ کی ویری فکیشن کا آغاز یکم دسمبر سے کیا جائے گا۔ پیف نے سکولوں کو 31اکتوبر تک طلبا کی تصاویر اپ لوڈ کرنے کا حکم دیدیا ہے۔
ویری فکیشن کا عمل یکم دسمبر سے شروع کردیا جائیگا۔ تصویر سے مشابہت نہ رکھنے والے طلباوطالبات کو سکول سے خارج کر دیا جائے گا ۔ سکول سربراہان کو موبائل فون سے کلر تصاویر اپ لوڈ کرنے کی ہدایت کی گئی ہے۔ پیف حکام کا کہنا ہے کہ غیر تصدیق شدہ طلبا کے معاوضوں کی ادائیگی نہیں کی جائیگی۔
