نئی دہلی (نمائندہ خصوصی)نیوزی لینڈ کیخلاف ٹیسٹ میں بھارت کی شکست اور انگلینڈ کیخلاف پاکستان کی کامیابی پر بھارتی صحافی وکرانت گپتا کی پوسٹ وائرل ہوگئی۔سماجی رابطے کی ویب سائٹ ایکس (سابقہ ٹوئٹر) پر بھارتی صحافی وکرانت گپتا نے لکھا کہ گزشتہ 10 دنوں نے کرکٹ کی دنیا کو الٹا کردیا، بھارت ایک ٹیسٹ ہار گیا پاکستان نے ناتجربہ کار کھلاڑیوں کے ساتھ ایک ٹیسٹ جیتا۔انہوں نے لکھا کہ بھارت ایک اور شکست کے دہانے پر اور پاکستان ایک اور جیت کے دہانے پر پہنچ گیا۔
واضح رہے کہ نیوزی لینڈ کیخلاف دوسرے ٹیسٹ میچ میں بھی بھارت پر شکست کے بادل منڈلانے لگے ہیں، نیوزی لینڈ نے بھارت کے خلاف 301 رنز کی برتری حاصل کرلی ہے، دوسری اننگز میں نیوزی لینڈ نے 5 وکٹوں کے نقصان پر 198 رنز بنالیے ہیں۔بھارتی ٹیم اپنی پہلی اننگز میں 156 رنز پر ڈھیر ہوگئی تھی جبکہ مہمان ٹیم نے پہلی اننگز میں 259 رنز بنائے تھے۔نیوزی لینڈ کے خلاف بھارت کے خلاف ٹیسٹ سیریز میں 1ـ0 کی برتری حاصل ہے۔
