لاہور (نمائندہ خصوصی)سابق وزیر اعظم نواز شریف کی صاحبزادی مریم نواز کی پچاسویں سالگرہ کل 28 اکتوبر کو منائی جائے گی اس سلسلے میں فیصل آباد سمیت ملک بھر میں مسلم لیگ ن کے زیر اہتمام سالگرہ تقریبات کا اہتمام کیاجائے گا اور کیک کاٹے جائیں گے۔سابق وزیر اعظم میاں نواز شریف کی صاحبزادی مریم نواز28اکتوبر1973ءکو پیدا ہوئیں،مریم نواز کی شادی1992ءمیں کیپٹن(ر) صفدر سے ہوئی۔
اعلیٰ تعلیم یافتہ مریم نواز کا سیاسی سفر 2013ءکے انتخابات سے شروع ہوا جب انہوں نے مسلم لیگ (ن) کی انتخابی مہم ایسے زبردست اور کامیاب انداز میں چلائی کہ میاں نواز شریف ملک کے تیسری بار وزیراعظم منتخب ہوگئے۔مریم نواز صرف سیاسی میدان میں ہی نہیں بلکہ خواتین کے حقوق اور بچیوں کی تعلیم کے فروغ میں بھی نمایاں ہیں اور اسی بناءپر برطانوی نشریاتی ادارے نے نواز شریف کے دور اقتدار میں انہیں دنیا کی 100 سربراہان مملکت کی بااثر بیٹیوں میں شامل کیا
