ممبئی (نمائندہ خصوصی) بالی ووڈ اسٹار جوڑی ایشوریا ابھیشیک کے درمیان علیحدگی کی افواہیں کے درمیان امیتابھ بچن اپنی بہو اور پوتی کا نام لینے سے بھی کترانے لگے۔ بھارتی میڈیا کے مطابق ایشوریا اور ابھیشیک بچن کے درمیان علیحدگی کی افواہوں کے دوران بگ بی امیتابھ بچن بھی اپنے کوئز شو کون بنے گا کروڑ پتی کے سیزن 16 میں اپنی بہو ایشوریا اور پوتی آرادھیا کا نام تک لینے سے گریز کرنے لگے ہیں ۔
حال ہی میں شو کی ایک ایپی سوڈ میں بگ بی نے بالی وڈ فلم بنٹی اور ببلی کے مقبول گانے کجرا رے پر بات کی۔ اس دوران امیتابھ نے ابھیشیک اور رانی مکھرجی کا ذکر کیا لیکن گانے میں مرکزی کردار نبھانے والی اپنی بہو ایشوریا کا ذکر حتی کہ نام لینے سے بھی گریز کیا۔دوسری جانب ایک قسط میں بگ بی نے نواسے نواسیوں کا ذکر کرتے ہوئے نویا اور اگستیہ کا نام تو لیا لیکن آرادھیا کا ذکر بھی نہیں کیا۔ بھارتی میڈیا کے مطابق امیتابھ کے اس عمل نے اسٹار کپل کے درمیان علیحدگی سے متعلق نئی قیاس آرائیوں کو جنم دیا ہے۔
