ورلڈ اسنوکر چیمپئن شپ: محمد آصف کوارٹر فائنل میں پہنچ گئے

دوحہ (نمائندہ خصوصی)آئی بی ایس ایف ورلڈ اسنوکر چیمپئن شپ میں پاکستان کے محمد آصف کوارٹر فائنل میں پہنچ گئے۔قطر کے دارالحکومت دوحہ میں پری کوارٹر فائنل میں محمد آصف نے قطر کے احمد سیف کو 3ـ4 سے شکست دی۔کوارٹر فائنل میں محمد آصف یو اے ای کے محمد شہاب سے مقابلہ کریں گے۔دوسری جانب پاکستان کے اسجد اقبال کو پری کوارٹر فائنل میں قبرص کے پلیئر نے شکست دے دی۔مائیکل جارگیو نے اسجد اقبال کو 2 کے مقابلے میں 4 فریمز سے شکست دی۔