ایڈیلیڈ (نمائندہ خصوصی)پاکستان کرکٹ ٹیم کے فاسٹ بولر نسیم شاہ انجری سے مکمل فٹ ہو گئے۔ٹیم ذرائع کے مطابق نسیم شاہ نے مکمل ٹریننگ سیشن میں حصہ لیا اور بولنگ بھی کی، انہیں کسی تکلیف کا سامنا نہیں ہے۔ذرائع نے بتایا کہ نسیم شاہ ا?سٹریلیا کے خلاف دوسرے ون ڈے میں ٹیم کو دستیاب ہیں۔
واضح رہے کہ آسٹریلیا کے خلاف پہلے ون ڈے میں نسیم شاہ اپنے 8 ویں اوور میں انجری کا شکار ہوئے تھے۔نسیم شاہ اوور مکمل نہیں کرا سکے تھے وہ گراؤنڈ سے باہر چلے گئے تھے۔یاد رہے کہ 3 میچوں کی سیریز میں پہلے میچ میں آسٹریلیا نے پاکستان کو 2 وکٹوں سے شکست دی تھی۔پاکستان اور آسٹریلیا کے درمیان دوسرا ون ڈے انٹرنیشنل میچ جمعے کو کھیلا جائے گا۔
