اسلام آباد(نمائندہ خصوصی)سربراہ عوامی مسلم لیگ و سابق وفاقی وزیرشیخ رشید احمد نے کہا ہے کہ یہ حکومت دھکے سے چلائی جا رہی ہے کسی جگہ یہ دھکا ناکام ہوگا اور وہ دن زیادہ دور نہیں ہے حکومت ناکام جائے ہوگی۔ اسلام آباد کچہری میں میڈیا سے گفتگو کرتے ہوئے شیخ رشید احمد نے کہا کہ آئی ایم ایف کی ٹیم آئی ہوئی ہے اور اس سے مذاکرات خفیہ رکھے جا رہے ہیں ، یہاں ہر چیز خفیہ ہوتی ہے، یہ خفیہ خفیہ کھیلتے ہیں ۔
انہوں نے کہا کہ خزانے کی حالت نہایت مخدوش ہے، ایک جملہ جو نواز شریف عموما بولا کرتے تھے کہ” پلے نہیں دھیلا تے کردی میلا میلا “تو اب یہ ان پر خود لاگو ہوتا ہے ، جہاں جاتے ہیں ان کو گالیاں پڑ رہی ہیں، ان کو لوگ نازیبا الفاظ سے یاد کرتے ہیں ، اب جو سابقہ چیف جسٹس قاضی صاحب کے ساتھ ہوا ، جو ان کے وزیروں اور نواز شریف کے ساتھ ہو رہا ہے، یہ بغیر سکیورٹی کے پھر کے دکھائیں، پاکستان کی زمین ان کے لیے تنگ ہو گئی ہے۔شیخ رشید نے کہا کہ پاکستان میں جو اس وقت ایک بدامنی، ایک مہنگائی، ایک بےروزگاری اور جو بے روزگاری کی سیٹوں کی گنجائش ہے، اس کو بھی ختم کر دیا گیا ہے ۔قبل ازیں اینڈ سیشن کورٹ اسلام آباد نے صدر مملکت آصف علی زرداری کو قتل کرنے کی سازش سے متعلق کیس میں شیخ رشید احمد کی بریت کی درخواست پر فیصلہ محفوظ کر لیا۔
