ملاہور( نمائندہ خصوصی)پنجاب یونیورسٹی لائبریری کے زیر اہتمام پنجاب یونیورسٹی لائبریرینز آرگنائزیشن کے اشتراک سے ‘کوالٹیٹو ڈیٹا اینالیسس یوزنگ NVivo پر ایک روزہ تربیتی ورکشاپ کاانعقاد کیاگیا۔
اس موقع پر چیف لائبریرین ڈاکٹر محمد ہارون عثمانی، ڈپٹی چیف لائبریرین ڈاکٹر اظہر رشید، صدر پنجاب یونیورسٹی لائبریرینز آرگنائزیشن سیف الرحمان عتیق، ریسورس پرسن ڈاکٹر مرتضیٰ عاشق، لائبریرینز، سینئر انتظامی عملہ اور فیکلٹی ممبران نے شرکت کی۔
ورکشاپ یونیورسٹی میں تحقیقی سرگرمیوں میں لائبریرین کے فعال کردار کو فروغ دیتے ہوئے اساتذہ اور تعلیمی وسائل،ٹولز کے درمیان فرق کو ختم کرنے کے لیے پنجاب یونیورسٹی لائبریری اور پنجاب یونیورسٹی لائبریرینز آرگنائزیشن کی جاری کوششوں کا حصہ تھی۔
اس طرح کے پروگرامز تعلیمی پیشہ ور افراد کو جدید تحقیق کے لیے ضروری معلومات اور آلات کے ساتھ بااختیار بناتے ہیں۔ تقریب کو حاضرین کی طرف سے سراہا گیا ، جس میں تحقیق کو آگے بڑھانے اور یونیورسٹی کمیونٹی کی مہارتوں کو بڑھانے میں اس طرح کے باہمی تعاون پر مبنی تعلیمی کوششوں کی اہمیت کو اجاگر کیا گیا۔
