اسلام آباد (گلف آن لائن) ملک میں 30 سے 40 سال تک عمر کے افراد کو بھی کورونا سے بچاؤ کی ویکسین لگانے کا عمل شروع کردیا گیا۔ نوجوانوں کی بڑی تعداد میں آمد کے باعث ویکسینیشن سینٹرز پر معمول سے زیادہ رش لگ گیا اور شہریوں کی بڑی تعداد قطاروں میں لگی ہے۔ انتظامیہ نے معمول سے زیادہ رش کی وجہ سے ویکسینیشن سینٹرز پر عملے میں اضافہ کردیا ہے۔
Vaccination for 30 -40 years begins today! Register yourself by sending CNIC to 1166. On receiving SMS, visit the mentioned Vaccination center on given date (or afterwards) and get vaccinated! #VaccinesWork
— NCOC (@OfficialNcoc) May 22, 2021
این سی او سی نے بھی ٹویٹ کرتے ہوئے کہا ہے کہ آج سے 30-40 سال کی عمر کے افراد کی ویکسینیشن کا آغاز ہوگیا۔ 1166 پر CNIC بھیج کر رجسٹریشن کرائی جاسکتی ہے۔ ایس ایم ایس موصول ہونے پر مقررہ تاریخ کو یا اس کے بعد مذکورہ ویکسینیشن سینٹر جا کر ویکسین لگوائیں۔