لاہور(گلف آن لائن)نیوزی لینڈ اور انگلینڈ کے خلاف ٹی ٹونٹی انٹرنیشنل سیریز سمیت آئی سی سی مینز ٹی ٹونٹی ورلڈکپ 2021 کے لیے قومی اسکواڈ کا اعلان آج کیا جائے گا۔قومی کرکٹ کے چیف سلیکٹر محمد وسیم 6 ستمبر کو قذافی اسٹیڈیم لاہور میں واقع فار اینڈ بلڈنگ میں صبح سوا گیارہ بجے پریس کانفرنس کے ذریعے میگا ایونٹ کے لیے قومی اسکواڈ کا اعلان کریں گے۔
کوویڈ 19 کی وجہ سے ان غیر معمولی حالات کے پیشِ نظر سماجی فاصلے کی ہدایات پر عمل کرتے ہوئے صرف ان رپورٹرز کو پریس کانفرنس میں شرکت کی دعوت دی جاتی ہے جن کے پاس کوویڈ 19 سے بچاؤ کی ویکسنیشن کا سرٹیفکیٹ ہوگا۔ ٹی وی نیوز چینلز کو پریس کانفرنس کی لائیو فیڈ استعمال کرنے کی اجازت ہوگی، اس سے متعلق مزید تفصیلات پریس کانفرنس سے کچھ دیر قبل جاری کردی جائیں گی۔تمام میڈیا نمائندگان سے درخواست ہے کہ وہ کوویڈ 19 سے متعلق ہدایات پر مکمل عمل کریں۔ آپ سے گزارش ہے کہ پریس کانفرنس کے دوران اپنے چہروں کو ماسک سے ڈھانپے رکھیں اور سماجی فاصلے کا خیال رکھیں۔ نیشنل اسٹیڈیم کے داخلی راستے پر تمام شرکاء کا تھرمل گن سے بخار چیک کیا جائے گا۔
شیڈول کے مطابق 25 ستمبر کو پاکستان بمقابلہ نیوزی لینڈ ، پہلا ٹی ٹونٹی انٹرنیشنل میچ بمقام قذافی اسٹیڈیم لاہور،26 ستمبر کو پاکستان بمقابلہ نیوزی لینڈ ، دوسرا ٹی ٹونٹی انٹرنیشنل میچ بمقام قذافی اسٹیڈیم لاہور،29 ستمبر کو پاکستان بمقابلہ نیوزی لینڈ ، تیسرا ٹی ٹونٹی انٹرنیشنل میچ بمقام قذافی اسٹیڈیم لاہور،یکم اکتوبر کو پاکستان بمقابلہ نیوزی لینڈ ، چوتھا ٹی ٹونٹی انٹرنیشنل میچ بمقام قذافی اسٹیڈیم لاہور،3 اکتوبر کو پاکستان بمقابلہ نیوزی لینڈ ، پانچواں ٹی ٹونٹی انٹرنیشنل میچ بمقام قذافی اسٹیڈیم لاہور،13 اکتوبر کو پاکستان بمقابلہ انگلینڈ ، پہلا ٹی ٹونٹی انٹرنیشنل میچ بمقام پنڈی کرکٹ اسٹیڈیم راولپنڈی،14 اکتوبر کو پاکستان بمقابلہ انگلینڈ ، دوسرا ٹی ٹونٹی انٹرنیشنل میچ بمقام پنڈی کرکٹ اسٹیڈیم راولپنڈی میں کھیلا جائیگا ۔ پاکستان میں شیڈول ٹی ٹونٹی میچز (تمام میچز کا آغاز شام 7 بجے ہوگا۔
دوسری جانب 24 اکتوبر کو پاکستان بمقابلہ بھارت ، آئی سی سی مینز ٹی ٹونٹی ورلڈ کپ بمقام دبئی انٹرنیشنل کرکٹ اسٹیڈیم دبئی،26 اکتوبر کو پاکستان بمقابلہ نیوزی لینڈ ، آئی سی سی مینز ٹی ٹونٹی ورلڈ کپ بمقام شارجہ کرکٹ اسٹیڈیم ، شارجہ،29 اکتوبر کو پاکستان بمقابلہ افغانستان ، آئی سی سی مینز ٹی ٹونٹی ورلڈ کپ بمقام دبئی انٹرنیشنل کرکٹ اسٹیڈیم دبئی،2 نومبر کو: پاکستان بمقابلہ اے ٹو، آئی سی سی مینز ٹی ٹونٹی ورلڈ کپ بمقام شیخ زید انٹرنیشنل کرکٹ اسٹیڈیم ، ابوظہبی،7 نومبر کو پاکستان بمقابلہ بی ون، آئی سی سی مینز ٹی ٹونٹی ورلڈ کپ بمقام شارجہ کرکٹ اسٹیڈیم ، شارجہ،10 نومبر کو پہلا سیمی فائنل بمقام شیخ زید کرکٹ اسٹیڈیم ، ابوظہبی11 نومبر کو دوسرا سیمی فائنل بمقام دبئی انٹرنیشنل کرکٹ اسٹیڈیم ، دبئی،14 نومبر کو فائنل بمقام دبئی انٹرنیشنل کرکٹ اسٹیڈیم ، دبئی میں کھیلا جائیگا
