اسلام آباد (گلف آن لائن)صدر کی جانب سے ٹیکس قوانین میں ترمیمی آرڈیننس کے اجرا کا معاملہ،پیپلزپارٹی کی سینئر رہنماء اور رکن قومی اسمبلی ڈاکٹر نفیسہ شاہ نے ترمیمی آرڈیننس کو مسترد کردیا۔ اپنے بیان میں نفیسہ شاہ نے کہاکہ نیب اور ایف بی آر کو دیئے گئے اختیارات بنیادی حقوق سلب کرنے کے مترادف ہے۔
انہوںنے کہاکہ ریاست کا کام عوام کو سہولیات فراہم کرنا ہوتا ہے سہولیات چھیننا نہیں، نان فائلرز لوگوں کے موبائل فون بند کرنا بجلی اور بینک کی سہولیات پر قدغن لگاکر حکومت کیا پیغام دینا چاہتی ہے؟ ،نیب کو مزید اختیارات دینا اپوزیشن کے خلاف انتقامی کارروایوں کا این او سی ہے، نیب حالیہ کیسز میں کچھ ثابت نہیں کر سکا تو بیس سال قبل کی فائلیں کھول کر کیا کرے گا؟
نیب نے صرف اپوزیشن کے خلاف کیسز بناکر سینیئر رہنماوں کی پگڑیاں اچھالی ہیں۔ انہوںنے کہاکہ حکومت اس طرح کے اقدامات سے ملک میں افرا تفری پھیلانا چاہتی ہے۔
