اسلام آباد (گلف آن لائن)نائب صدر پیپلز پارٹی سینیٹر شیری رحمان نے کہا ہے کہ آئین پاکستان کے آرٹیکل 19 میں شہریوں کو معلومات تک رسائی کا حق ہے۔ اپنے بیان میں انہوںنے کہاکہ آئین پاکستان کے آرٹیکل 19 میں شہریوں کو معلومات تک رسائی کا حق ہے۔
انہوںنے کہاکہ چند دن پہلے توشاخانہ کے حوالے سے معلومات خفیہ رکھ کر اس حق کی خلاف ورزی کی گئی، حکومت نے سنسرشپ کے رکارڈ قائم کئے ہیں، اتنی پابندیاں آمریت میں بھی نہیں تھیں۔
انہوںنے کہاکہ معلومات تک رسائی کے قانون کے مطابق شہری حکومت کو جوابدہ ٹھہرا سکتے ہیں۔انہوںنے کہاکہ حکومت اظہار کی آزادی اور جوابدہی کو غیر جمہوری اقدامات کے ذریعے سلب کر رہی تاکہ وہ اپنی نااہلی کو چھپا سکیں۔ انہوںنے کہاکہ کوئی تعجب نہیں پاکستان اس حکومت میں پریس انڈیکس میں 145 ویں نمبر پر ہے۔
