ریاض(گلف آن لائن)سعودی عرب کی وزارتِ صحت کے ترجمان ڈاکٹر محمد العبدالعالی نے اعلان کیا ہے کہ مملکت میں 60 سال سے زایدعمر کے افراد کوتقویت کے طور پر کووِڈ19 ویکسین کی تیسری خوراک لگائی جائے گی۔میڈیارپورٹس کے مطابق وزارت صحت نے مملکت میں کووِڈ19 کے 59 نئے کیسوں کی اطلاع دی اور اس مہلک وائرس کا شکار پانچ مریض وفات پا گئے ۔وزارت کے ایک بیان کے مطابق کروناوائرس کا شکار مزید78 مریض صحت یاب ہوگئے ہیں۔اب تک مملکت کے تمام علاقوں میں مجموعی طور پر 536028 مریض تن درست ہوچکے ہیں۔ڈاکٹرالعبدالعالی نے تصدیق کی کہ سعودی عرب میں کروناوائرس کی وبا آخری مراحل میں ہے۔
ان کا اشارہ اس مہلک وائرس کے یومیہ کیسوں کی جانب تھا جن کی تعداد اب ایک سو سے بھی کم رہ گئی ہے۔انھوں نے تمام شہریوں اور مکینوں پر زوردیا کہ وہ کووڈ19 کی منظورشدہ ویکسینوں میں سے کسی ایک کی دونوں خوراکیں لگوائیں۔مملکت میں اب تک کرونا وائرس کے ریکارڈ کیے گئے کیسوں کی کل تعداد 546985 ہوچکی ہے جبکہ مملکت میں اموات کی کل تعداد 8704 ہوگئی ہے۔اس وقت کروناوائرس کے تشویش ناک کیسوں کی تعداد244 ہے اور وہ مختلف اسپتالوں میں زیرعلاج ہیں۔
