لاہور (گلف آن لائن) قومی کرکٹر امام الحق نے انکشاف کیا ہے کہ محمد رضوان غیر ملکی دوروں پر نماز کی پابندی کا بہت خیال رکھتے ہیں۔ایک انٹرویو کے دوران امام الحق نے انکشاف کیا کہ محمد رضوان غیر ملکی دوروں پر نماز کی پابندی کا بہت خیال رکھتے ہیں۔امام الحق نے بتایا کہ جب ٹیم کسی دوسرے ملک میچ کھیلنے کیلئے جاتی ہے تو روانگی سے قبل رضوان کھلاڑیوں کے لیے ایک واٹس ایپ گروپ بناتے ہیں جس میں وہ باقاعدگی سے نمازوں کے اوقات کار کے حوالے سے بتاتے رہتے ہیں۔
امام الحق نے کہا کہ وہ ناصرف واٹس ایپ کے ذریعے تبلیغ کا کام کرتے ہیں بلکہ ہمیں نماز بھی پڑھاتے ہیں۔خیال رہے کہ محمد رضوان نے گزشتہ برس ٹی ٹوئنٹی ورلڈ کپ کے دوران ٹیم کے سابق بیٹنگ کوچ میتھیو ہیڈن کو قرآن شریف تحفے میں بھی دیا تھا۔
