کراچی(گلف آن لائن )ڈالر کی قدر میں اضافہ ہونے لگا، انٹربینک میں ڈالر 185 اور اوپن مارکیٹ میں 187 روپے تک پہنچ گیا۔درآمدی بل ریکارڈ سطح تک پہنچنے سے بڑھتے ہوئے کرنٹ اکانٹ خسارے، آنے والے دنوں میں مہنگائی کی نئی لہر کے خطرات نے ڈالر کی نسبت روپے کو دوبارہ بے قدر کرنا شروع کردیا جس سے ڈالر کے اوپن مارکیٹ ریٹ دوبارہ 187 روپے کی سطح پر آگئے۔
وزیر اعظم کے دورہ سعودی عرب سے وابستہ مثبت توقعات کے باوجود زرمبادلہ کی دونوں مارکیٹوں میں جمعرات کو اتار چڑھا کے باوجود روپیہ کی نسبت ڈالر تگڑا رہا جس سے انٹربینک مارکیٹ میں ڈالر کی قدر اتار چڑھا کے بعد 41 پیسے کے اضافے سے 185.86 روپے کی سطح پر بند ہوئی جبکہ اوپن کرنسی مارکیٹ میں ڈالر کی قدر 50 پیسے کے اضافے سے 187 روپے کی سطح پر بند ہوئی۔
