کراچی (گلف آن لائن)پاکستان تحریک انصاف کے رہنما اور سابق گورنر سندھ عمران اسماعیل نے حمزہ شہباز کا نام لیے بغیر طنز کرتے ہوئے کہا ہے کہ ڈراما وزیراعلی کی ڈرامے بازیاں جاری ہیں۔
پی ٹی آئی رہنما وسابق گورنر سندھ عمران اسماعیل نے سماجی رابطوں کی ویب سائٹ ٹوئٹر پر ٹوئٹ کرتے ہوئے کہا ہے کہ کبھی ہوٹل میں تو کبھی زبردستی گورنر ہاؤس میں حلف برداری، ڈراما وزیراعلی کی ڈرامے بازیاں جاری ہیں۔
سابق گورنر عمران اسماعیل نے اپنے ٹوئٹ میں مزید کہا ہے کہ پنجاب میں ہارس ٹریڈنگ ہوئی، کھلم کھلا بولی لگی اور اور ارکان کاتماشہ لگا ہوا ہے، یہ لوگ اقتدار کے لیے کچھ بھی کرسکتے ہیں۔عمران اسماعیل نے اپنے ٹوئٹ میں مطالبہ کیا کہ اعلی عدالتوں کو اس صورتحال پر نوٹس لینا چاہیے۔
