ریاض (گلف آن لائن)سعودی عرب عالمی منڈی میں تیل کے استحکام اور توازن کے لیے کوشش کر رہا ہے۔سعودی فرمانروا شاہ سلمان بن عبدالعزیز کا مجلس شوری کے اجلاس سے خطاب میں ایران سے عالمی توانائی ایجنسی کے ساتھ تعاون کی اپیل کرتے ہوئے کہا ایران ہمسایہ ملکوں کے ساتھ اعتماد کا رشتہ قائم کرے۔انہوں عالمی برادری سے مخاطب ہوتے ہوئے کہا کہ مشرق وسطی میں مہلک ہتھیاروں کے پھیلاو کو روکنے کے لئے کوششیں کو تیز کرے اور افغانستان دہشتگردانہ سرگرمیوں اور دہشت گردوں کی پناہ گاہ نا بنے۔
سعودی فرمانروا نے مزید کہا کہ ہم چاہتے ہیں کہ روس یوکرین جنگ جلد از جلد ختم ہو اور روس یوکرین جنگ کے خاتمے کی کوششوں کو سیاسی حل کے ساتھ منطقی انجام تک پہنچایا جائے۔حرمین شریفین کے زائرین کو ہر طرح کی سہولیات فراہم کرنے کا اعلان کرتے ہوئے کہا 2030 تک عمرہ زائرین کی تعداد کو 30 ملین تک سالانہ پہنچانے کا ہدف ہے۔
