شرم الشیخ(گلف آن لائن ) اقوام متحدہ کے سیکریٹری جنرل انتونیو گوتریس نے مصر میں شروع ہونے والے شرم الشیخ کاپ27 سے خطاب میں کہا ہے کہ موسمیاتی تبدیلی سے نمٹنے کے لیے مل کر کام کرنا ہوگا۔تفصیلات کے مطابق مصر میں شرم الشیخ کاپ27 کلائمٹ امپلیمینٹیشن سمٹ شروع ہو گیا، اقوام متحدہ کے سیکریٹری جنرل انتونیو گوتریس نے سمٹ سے خطاب میں کہا اقوام عالم کو موسمیاتی تبدیلی کے چیلنجز سے نبرد آزما ہونے کے لیے مل کر کام کرنا ہوگا۔انتونیو گوتریس نے کہا کہ دنیا کو موسمیاتی تبدیلی کے چیلنجز کا سامنا ہے، بڑھتے درجہ حرارت سے ماحولیات پر منفی اثرات مرتب ہو رہے ہیں، بڑی معیشتوں کو موسمیاتی تبدیلی کے حوالے سے اپنا کردار ادا کرنا چاہیے۔
انھوں نے کہا کہ ماحول دوست توانائی کے حصول کے لیے کام کرنا وقت کی ضرورت ہے۔واضح رہے کہ وزیر اعظم شہباز شریف کلائمٹ امپلیمینٹیشن سمٹ میں پاکستان کی نمائندگی کر رہے ہیں، اس سمٹ میں مختلف ممالک کے سربراہان مملکت بھی شریک ہیں۔
