کراچی (نمائندہ خصوصی)وزیر خارجہ بلاول بھٹو نے پاکستانی حکومت اور عوام کی جانب سے سابق چینی صدر جیانگ ژیمن کی وفات پر اظہار تعزیت کیا ۔
جمعہ کو وزیر خارجہ بلاول بھٹو زرداری کراچی میں چینی قونصل خانے پہنچے اوروزیر خارجہ بلاول بھٹو نے پاکستانی حکومت اور عوام کی جانب سے سابق چینی صدر جیانگ ژیمن کی وفات پر اظہار تعزیت کیا ۔انہوں نے کہا کہ سابق چینی صدر کی پاکستان سے پچاس سالہ پرانی وابستگی تھی۔
وزیر خارجہ نے کہا کہ جیانگ ژیمن کے انتقال سے چین ایک عظیم رہنما سے محروم ہو گیا ہے۔وزیر خارجہ نے کہا کہ چین کی ترقی میں سابق صدر جیانگ ژیمن کا کردار اہم حیثیت رکھتا ہے۔وزیر خارجہ بلاول بھٹو زردارینے کہا کہ جیانگ ژیمن کو ایک عالمی رہنما کے طور پر بھی یاد رکھا جائے گا جنہوں نے بین الاقوامی سطح پر اپنی شناخت بنائی اور عالمی امن اور ترقی کو فروغ دیا۔
