لاہور( گلف آن لائن)سابق وزیر داخلہ شیخ رشید احمد نے کہا ہے کہ آصف زرداری بلاول کووزیراعظم دیکھناچاہتاہے جبکہ اپریل کے مہینے میں غربت کے ہاتھوں ٹھٹہ کی ساحلی پٹی میں41لوگوں نے خودکشی کی ،جنرل عاصم منیرکادورہ چین انتہائی اہم ہے جو آئندہ ملک کی خارجہ پالیسی کاتعین کرے گا ، ساری شریف فیملی نے گھر کی چاردیواری کے اندرعیدالفطر کی نمازاداکی ،زرداری نے ناکامی کاسارا ملبہ شہباز شریف پرڈال دیاہے خود نیک پروین بن کربیٹھ گیا۔
ٹوئٹر پر جاری اپنے بیان میں شیخ رشید نے کہا کہ الیکشن پوراہو یاپنجاب کاہو ہوکررہے گا ،بلاول نہ ساری دنیاسے5ڈالرامدادلایانہ آئی ایم ایف سے مسئلہ حل کرایا۔ انہوں نے کہا کہ عدلیہ کی کردارکشی کی جارہی ہے ،شہبازشریف ،وزیرداخلہ ،وزیرقانون اورفضل الرحمان سامان باندھ لیں ،قوم یوم نجات کی تیاری کرے ،عدلیہ کافیصلہ نہ ماناتوعمران خان کال دے گااورساری قوم سڑکوں پرہوگی۔
انہوں نے کہا کہ جنرل عاصم منیرکادورہ چین انتہائی اہم ہے جو آئندہ ملک کی خارجہ پالیسی کاتعین کرے گا ،حکومت عدلیہ کودھمکیاں دینے کے بجائے آئین وقانون کااحترام کرے ورنہ یہ آئین اورقانون کے شکنجے میں پہلے ہی خودآچکے ہیں، الیکشن میں جانا سیاسی خودکشی کرنے سے بہترہے ،فضل الرحمان وہاں لے جاکرمارے گاجہاں کوئی نہیں بچائے گا۔
