لاہور(گلف آن لائن)پاکستان کرکٹ ٹیم کی ورلڈ کپ کی تیاریوں کیلئے پی سی بی نے سری لنکن بورڈ سے رابطہ کرلیا، دونوں ٹیمیںجولائی میں ایک روزہ میچز کھیلنا چاہتی ہیں۔پاکستان کرکٹ ٹیم کی ون ڈے ورلڈ کپ کی تیاریوں کا سلسلہ جاری ہے، پی سی بی نے اس حوالے سے سری لنکن بورڈ سے رابطہ کرلیا۔
دونوں بورڈز کے درمیان سری لنکا کے ورلڈ کپ کیلئے کوالیفای کرنے پر ون ڈے میچز کھیلنے پر مشاورت ہوئی۔رپورٹ کے مطابق پاکستان ٹیم کو جولای میں ٹیسٹ سیریز کیلئے سری لنکا کا دورہ کرنا ہے، دونوں بورڈ زجولائی میں ون ڈے میچز کھیلنا چاہتے ہیں۔پی سی بی کا کہنا ہے کہ سری لنکا کے خلاف ون ڈے میچز کے انعقاد سے ورلڈ کپ کی تیاریوں میں مدد ملے گی۔
