نیویارک (گلف آن لائن)ہالی ووڈ کے معروف اداکار رابرٹ ڈی نیرو نے کانز فلم فیسٹیول میں سابق امریکی صدر ڈونلڈ ٹرمپ پر طنز کردیا۔انہوں نے اپنی نئی فلم کے کردار کے متعلق کہا کہ وہ اتنا ہی برا ہے جتنا ڈونلڈ ٹرمپ تھے۔ان کی نئی فلم ‘Killers of the Flower Moon’ ہے جس کے ڈائریکٹر مارٹن اسکورسیس ہیں۔
فلم میں رابرٹ ڈی نیرو نے 1920 کی دہائی کے ایک شخص ولیم ہیل کا کردار نبھایا ہے جس نے مقامی امریکیوں کے ساتھ پہلے تو معاہدہ کیا لیکن بعد میں ان کی تیل سے مالا مال زمین ہتھیانے کیلئے قتل عام کیا۔فیسٹیول میں بات کرتے ہوئے ڈی نیرو نے کہا کہ مجھے نہیں سمجھ آتا کہ ولیم نے دھوکا کیوں دیا لیکن جارج فلائیڈ کے قتل کے بعد ہمیں اس سے متعلق آگہی ہوئی کہ منظم نسل پرستی کیا ہوتی ہے۔
