لاہور (گلف آن لائن) سابق ہندوستانی کرکٹر اور معروف کمنٹیٹر آکاش چوپڑا نے پاکستان کے وکٹ کیپر بلے باز محمد رضوان کو بدھ کے روز لاہور میں جاری ایشیا کپ 2023 کے دوران بنگلہ دیش کے خلاف شاندار اننگز کھیلنے پر سراہا۔
دائیں ہاتھ کے کھلاڑی نے 79 گیندوں پر ناقابل شکست 63 رنز بنائے اور پاکستان کو 194 رنز کا ہدف 39.3 اوورز میں حاصل کرنے میں مدد دی،آکاش چوپڑا نے اپنے یوٹیوب چینل پر کہا کہ ”محمد رضوان، مجھے یہ کھلاڑی بہت پسند ہے، یہ ایک جنگجو ہے اور وہ لڑتا رہتا ہے، جتنا آپ اس پر دباؤڈالتے ہیں، اتنا ہی وہ پھلتا پھولتا ہے، چاہے آپ اسے ٹی ٹونٹی، ون ڈے یا ٹیسٹ میں کھیلیں، کسی نہ کسی طرح جب بھی پاکستان جدوجہد کر رہا ہوتا ہے، یہ اس میں سے بہترین چیزیں لاتا ہے”۔
انہوں نے مزید کہا کہ ”یہاں بھی وہ آخر تک ٹھہرے رہے اور میچ جتوایا، اس نے بہت اچھے سویپ کھیلے اور اوور کور کو مارنے کے لیے وکٹ کے نیچے ڈانس کیا، وہ سپن بہت اچھا کھیلتا ہے اور اس کے پاس تیز گیند بازی کے خلاف بہت اچھا پک اپ شاٹ ہے۔
سابق کرکٹر نے مزید کہا کہ محمد رضوان دراصل ایک بہت اچھے کھلاڑی ہیں۔ پاکستان، جس نے اپنے پہلے سپر 4 میچ میں بنگلہ دیش کو سات وکٹوں سے شکست دی تھی، اب 10 ستمبر اتوار کو کولمبو میں روایتی حریف بھارت سے کھیلے گی۔ اگر سپر 4 کے بقیہ میچز ضائع ہو گئے تو کولمبو میں خراب موسم کی وجہ سے پاکستان چار پوائنٹس کے ساتھ فائنل کے لیے کوالیفائی کر لے گا۔
واش آؤٹ ہونے کی صورت میں، سری لنکا اور بھارت ایک ہی نیٹ رن ریٹ کے ساتھ تین تین پوائنٹس پر برابر ہوں گے، یہی وجہ ہے کہ فائنل کھیلنے والی ٹیم کا تعین کرنے کے لیے کوائن ٹاس کیا جائے گا۔ بنگلہ دیش کے پاس صرف دو پوائنٹس ہوں گے، کیونکہ وہ سپر فور میں پہلے ہی ایک گیم ہار چکا ہے، واش آؤٹ ہونے کی صورت میں اور اس طرح وہ فائنل کی دوڑ میں شامل نہیں ہوگا۔ اگر 17 ستمبر کو فائنل بھی نہ ہوا تو ٹرافی کا اشتراک کیا جائے گا۔
