بیجنگ (نمائندہ خصوصی) سی جی ٹی این اور رینمن یونیورسٹی آف چائنا کی جانب سے نیو ایرا انسٹی ٹیوٹ آف انٹرنیشنل کمیونیکیشن کے ذریعے کیے گئے ایک سروے کے مطابق 80.2 فیصد فرانسیسی جواب دہندگان کا ماننا ہے کہ چین ایک بااثر طاقت ہے اور 70.3 فیصد جواب دہندگان کا کہنا ہے کہ چین ایک کامیاب ملک ہے۔
فرانسیسی جواب دہندگان نے اعلیٰ معیار کی ترقی اور اعلی سطح کے کھلے پن میں چین کی کامیابیوں کی تعریف کی۔ ان میں سے 91.5 فیصد جواب دہندگان نے چین کی اقتصادی ترقی کی کامیابیوں کی تعریف کی۔
اس کے علاوہ 89.8 فیصد جواب دہندگان نے چین کی معیشت کی تیز رفتار ترقی کی تعریف کی، اور 72.7 فیصد جواب دہندگان کا خیال تھا کہ چین کی معیشت نے عالمی معیشت میں اہم کردار ادا کیا ہے. مزید برآں 88.8 فیصد جواب دہندگان کا خیال ہے کہ چین کے پاس مضبوط سائنسی اور تکنیکی طاقت ہے ، اور 71.4 فیصد کا خیال ہے کہ چین نے عالمی سائنسی اور تکنیکی میدان کی ترقی او ر جدت طرازی میں نئی تحریک پیدا کی ہے۔
چینی معیشت کی اعلیٰ معیار کی ترقی اور بیرونی دنیا کے لئے اعلی سطح کے کھلے پن سے فرانسیسی کمپنیوں کے لئے مزید کاروباری مواقع پیدا ہوں گے۔ 86.2 فیصد جواب دہندگان کے مطابق چینی کمپنیوں کا بین الاقوامی مارکیٹ میں بہت بڑا اثر و رسوخ ہے، 66.2 فیصد جواب دہندگان کا خیال ہے
کہ چین کا کاروباری ماحول سرمایہ کاروں کے لئے پرکشش ہے، 56.7 فیصد کا خیال ہے کہ چین عالمی صنعتی اور سپلائی چین کے استحکام کے لئے بہت اہم ہے، اور 58.8 فیصد کا خیال ہے کہ چین کی بڑی مارکیٹ فرانسیسی کمپنیوں کے لئے وسیع ترقی کے مواقع فراہم کرتی ہے.
سروے میں 76.7 فیصد جواب دہندگان کا خیال تھا کہ چین اسٹریٹجک طور پر ایک آزاد طاقت ہے اور انہوں نے چین کی آزاد خارجہ پالیسی کی انتہائی تحسین کی۔
71.7 فیصد جواب دہندگان کا خیال ہے کہ چین فرانس تعلقات دنیا کے سب سے اہم دوطرفہ تعلقات میں سے ایک ہیں ، اور 61.6 جواب دہندگان چین فرانس تعلقات کی مستقبل کی ترقی کے بارے میں پرامید ہیں۔
