ڈیلس (نمائندہ خصوصی)قومی ٹیم کے کپتان بابر اعظم نے کہا ہے کہ اچھی تیاریوں کے ساتھ امریکا آئے ہیں، میرا ایک ہی ہدف ہے اور وہ ورلڈکپ جیتنا ہے۔ میڈیا گفتگو کرتے ہوئے انہوںنے کہاکہ ہمیں معلوم ہے کس طرح کی کرکٹ کھیلنا ہے، یہاں پر ہائی اسکورنگ میچ نظر نہیں آرہے، شاداب، عماد، حارث پہلے یہاں کھیل چکے ہیں۔بابر اعظم نے کہا کہ کسی کا بیٹنگ نمبر فکسڈ نہیں، صورتحال کے مطابق تبدیل ہوسکتا ہے، عماد وسیم پہلے میچ کے لیے دستیاب نہیں۔
قومی ٹیم کے کپتان نے کہا کہ ورلڈکپ جیتنے کاعزم لیکر آئے ہیں، شاداب خان اہم کھلاڑی ہیں، امید ہے پرفارم کریں گے، شاداب خان کھیل کے تینوں شعبوں میں کار آمد ہوتا ہے، کھلاڑیوں کو سپورٹ کرنے سے فائدہ ٹیم کو ہی ہوگا۔بابر اعظم نے کہا کہ امریکا کی ہوم کنڈیشنز ہے، اس کویہاں کیگراؤنڈز کا معلوم ہے، ٹیم پر بھروسہ ہے وہ اچھی کرکٹ کھیلے گی.کپتان بابر اعظم کے مطابق یہاں فاسٹ باؤلرز اچھا پرفارم کر رہے ہیں، تمام سینئرز کھلاڑیوں کو آگے بڑھ کر ذمہ داری لینا ہوگی۔بابر اعظم نے کہا کہ میرا ایک ہی ہدف ہے اور وہ ورلڈکپ جیتنا ہے، انفرادی اہداف بعد میں آتے ہیں، میری توجہ اس پر ہے کہ ٹیم کو مجھ سے کیا چاہیے، کوشش کریں گے کہ اچھا پرفارم کریں اور کامیابی حاصل کریں۔
قومی کپتان نے کہا کہ امریکا میں پہلی بارکرکٹ ہو رہی ہے،کیامل رہاکیا نہیں یہ نہ سوچیں، انہوںنے کہاکہ بدقسمتی سے صائم ایوب ویسا پرفارم نہیں کرپائے جیسی امید تھی۔
