اسلام آباد (نمائندہ خصوصی)وزیر دفاع خواجہ آصف نے کہا ہے کہ پاکستان تحریک انصاف کی قیادت میں آج کل بیحساب لیڈرز ہیں۔ پارلیمنٹ ہائوس میں گفتگو کرتے ہوئے خواجہ آصف نے کہا کہ کبھی وہ کہتے ہیں کہ خان نہیں تو پاکستان نہیں، اب ان کے دل میں پاکستان اور فوج سے محبت ٹھاٹھیں مار رہی ہے۔
خواجہ آصف نے کہا کہ پی ٹی آئی نے اقلیتوں پر مظالم کے بارے میں مذمتی قرارداد پر مخالفت میں ووٹ ڈالا۔انہوں نے کہا کہ آپریشن عزم استحکام کسی اور کی نہیں ہماری ضرورت ہے۔وزیر دفاع نے کہا کہ جب صوبوں کو امن و امان کی ضرورت پڑتی ہے تو صوبوں کو خرچ اٹھانا چاہیے، یہ اپیکس کمیٹی میں طے ہے، جلد عملدرآمد ہوگا۔
