اسرائیلی حملے اب بے لگام ہیں ،اقوام متحدہ

تل ابیب (نمائندہ خصوصی)اقوام متحدہ نے کہاہے کہ اسرائیلی حملے اب بے لگام ہیں ،فلسطینیوں کا عمارتوں کے ملبے میں رہنے کے سوا کوئی چارہ نہیں ہے۔غیرملکی خبررساں ادارے کے مطابق اقوام متحدہ کی ریلیف اینڈ ورکس ایجنسی برائے فلسطینی پناہ گزین ان نیئر ایسٹ (یو این آر ڈبلیو اے)کے ترجمان لوئیس واٹریج کا کہنا تھا کہ اسرائیلی حملے اب بے لگام ہیں اور غزہ میں کچھ فلسطینیوں کے پاس اسرائیلی انخلا کے احکامات میں توسیع کے درمیان تباہ شدہ عمارتوں کے ملبے میں رہنے کے سوا کوئی چارہ نہیں ہے۔خیال رہے کہ غزہ پر اسرائیل کی جنگ میں کم از کم 40,139 افراد ہلاک اور 92,743 زخمی ہوچکے ہیں ایک اندازے کے مطابق 7 اکتوبر کو حماس کی قیادت میں کیے گئے حملوں کے دوران اسرائیل میں 1,139 افراد ہلاک اور 200 سے زائد کو یرغمال بنا لیا گیا تھا۔