اسلام آباد(نمائندہ خصوصی)مسلم لیگ ن کے سینیٹر عرفان صدیقی کا کہنا ہے کہ ایس سی او اجلاس میں بھارتی وزیرِ خارجہ کی شرکت کا اعلان دونوں ممالک کے تعلقات کے لیے اچھی خبر ہے۔یہ بات مسلم لیگ ن کے سینیٹر عرفان صدیقی نے جاری کیے گئے ایک بیان میں کہی ہے۔
ان کا کہنا ہے کہ پی ٹی آئی نے تمام رہنماؤں میں سے صرف بھارتی وزیرِ خارجہ کو اپنے احتجاج سے خطاب کی دعوت دی ہے۔عرفان صدیقی نے کہا ہے کہ بہتر ہو گا کہ پی ٹی آئی جے شنکر کو 200 سے زیادہ دفاعی تنصیبات اور شہدائ کے تباہ شدہ مزاروں پر بھی لے جائے۔مسلم لیگ ن کے سینیٹر کا کہنا ہے کہ یہ کر کے پی ٹی آئی اور بھارت ہمیشہ کے لیے لازوا رشتوں میں بندھ جائیں گے۔
ایک نجی ٹی وی سے گفتگو کرتے ہوئے بیرسٹر سیف نے کہا تھا کہ ہم جے شنکر کو دعوت دیں گے کہ وہ بھی ہمارے احتجاج میں شرکت کریں اور ہمارے کارکنوں سے خطاب کریں اور دیکھیں پاکستان کی جمہوریت کتنی مضبوط ہے جہاں ہر کسی کو احتجاج کا حق حاصل ہے۔
٭٭٭٭٭
