بیجنگ (نمائندہ خصوصی)چینی وزارت خارجہ کے تر جمان لین جیئن نے کہا ہےکہ ساتویں چائنا انٹرنیشنل امپورٹ ایکسپو( سی آئی آئی ای) کا انعقاد چین کی جانب سے اپنے کھلے پن کو بڑھانے کے لئے ایک اہم اقدام ہے اور یہ چین کے لئے ایک کھلی عالمی معیشت کی تعمیر کو فروغ دینے کا ایک عملی اقدام بھی ہے۔
جمعہ کے روز ترجمان نے کہا کہ نمائش میں شریک اداروں کے اعداد و شمار چین کی سپر بڑی مارکیٹ کی کشش کو مکمل طور پر ظاہر کرتے ہیں، چین کی اقتصادی ترقی کے امکانات میں بین الاقوامی برادری کے مضبوط اعتماد کی عکاسی کرتے ہیں، اور کھلے پن اور تعاون کے ذریعے باہمی فائدے اور جیت جیت کے نتائج حاصل کرنے کے لئے تمام فریقوں کی مشترکہ آمادگی کو بھی ظاہر کرتے ہیں۔اس سال کا سی آئی آئی ای 37سب سے کم ترقی یافتہ ممالک کو قومی اور انٹرپرائز نمائشوں میں حصہ لینے کے لئے مدد فراہم کر رہا ہے، تاکہ زیادہ سے زیادہ ترقی پذیر ممالک کو اقتصادی گلوبلائزیشن کے عمل میں حصہ لینے کا موقع فراہم کیا جائے ۔
لین جیئن نے کہا کہ کشادگی سی آئی آئی ای کا بنیادی تصور ہے ، اور یہ معاصر چین کی ترقی کی ایک منفرد علامت بھی ہے۔ چین اعلی ٰ سطحی کھلے پن کو فروغ دے کر اعلیٰ معیار کی ترقی حاصل کر رہا ہے۔ ہم سی آئی آئی ای کو تمام فریقوں کے ساتھ مل کر کام کرنے کے ایک اہم موقع کے طور پر دیکھتے ہیں تاکہ کھلے پن کے کیک کو بڑا بنایا جاسکے اور تعاون کی فہرست کو طویل کیا جاسکے۔ اس سےچین کی بڑی مارکیٹ کے مواقع کو تمام ممالک میں بانٹا جائے گا اورتمام لوگوں کو فائدہ پہنچے گا
