لندن(نمائندہ خصوصی)مسلم لیگ (ن)کے صدر نواز شریف نے پنجاب حکومت کی جانب سے پی آئی اے کی خریداری پر سنجیدگی کا اشارہ دے دیا۔سابق وزیراعظم نواز شریف نے لندن پہنچنے پر میڈیا سے گفتگو کرتے ہوئے کہاکہ ان کی بیٹی وزیراعلیٰ پنجاب مریم نواز پنجاب میں اچھا کام کر رہی ہیں، ان سے پی آئی اے کی بات کی تھی، اس حوالے سے مزید کام کرنے کا ارادہ ہے، اس منصوبے پر عمل ہوجائے تو ملک کو ایک اچھی ائیر لائن میسر آئے گی۔
نواز شریف نے کہاکہ مریم کو دن رات ایک فکر ہے کہ غریب آسانی سے زندگی گزار سکیں، مرکز اور پنجاب دونوں جگہ (ن) لیگ اچھا کام کر رہی ہے، معاشی اشاریے بہتر ہو رہے ہیں اور ملک پٹری ٹریک پر واپس آرہا ہے۔
