اسلام آباد(نمائندہ خصوصی)چیئرمین پی سی بی محسن نقوی نے کہا کہ ٹی ٹوئنٹی میں ٹیم کو 150 سے زائد کے اسٹرائیک ریٹ سے کھیلنے والے کھلاڑیوں کی ضرورت ہے۔
چیئرمین پی سی بی کی اسلام آباد میں پی سی بی کے مینٹورز کے ساتھ میٹنگ ہوئی جس میں وقار یونس، شعیب ملک، ثقلین مشتاق، سرفراز احمد اور مصباح الحق شریک ہوئے۔ذرائع کا کہنا ہے کہ ہر مینٹور نے ہر شعبے کے دو سے تین بہترین پرفارمرز کی نشاندہی کی، چیمپئنز ٹی ٹوئنٹی کپ سے تینوں شعبوں، بیٹنگ، فیلڈنگ اور بولنگ میں 12 کے قریب بہترین کھلاڑیوں کو سلیکٹ کیا گیا۔
ذرائع کے مطابق چیئرمین پی سی بی نے مینٹورز سے گفتگو میں کہا کہ 150 سے زائد کے اسٹرائیک ریٹ سے کھیلنے والے کھلاڑیوں کی ٹیم کو ضرورت ہے. سلیکٹ ہونے والے کھلاڑیوں کی ٹریننگ، خوراک اور فٹنس پی سی بی کے ذمہ ہوگی، منتخب ہونے والے کھلاڑیوں کے اسکلز کو مزید بہتر بنانیکے لییکام کیا جائیگا۔چیئرمین پی سی بی کا کہنا تھا کہ سابق ٹیسٹ کرکٹر عبدالرزاق کو بھی بہتر اسٹرائیک ریٹ کے بیٹرز کی تلاش کے لیے ذمہ داری دی گئی ہے، مقصد قومی ٹی ٹوئنٹی ٹیم کے لیے ماڈرن ڈے کرکٹ کے لیے کھلاڑیوں کی تلاش اور انہیں قومی سطح پر موقع دینا ہے۔
