ممبئی (گلف آن لائن) سینئر فلمی لیجنڈ شہنشاہ جذبات اداکار دلیپ کمار ( محمد یوسف خان) 98 برس کی عمر میں انتقال کرگئے. دلیپ کمار کو گزشتہ ماہ دو بار سانس لینے میں تکلیف کے باعث اسپتال منتقل کیا گیا تھا۔ ممبئی کے پی ڈی ہندوجا اسپتال میں اداکار کا علاج کرنے والے پلمونولوجسٹ ڈاکٹر جلیل پارکر نے بدھ کے روز اس بات کی تصدیق کی ، ایشیا کے سب سے بڑے اداکاروں میں سے ایک دلیپ کمار – جو بالی ووڈ کے ٹریجڈی کنگ کے نام سے مشہور تھے . بھارت اور پاکستان کے سیاسی ، سماجی اور ثقافتی حلقوں سے تعزیت کا اظہار کیا گیا.
With a heavy heart and profound grief, I announce the passing away of our beloved Dilip Saab, few minutes ago.
We are from God and to Him we return. – Faisal Farooqui
— Dilip Kumar (@TheDilipKumar) July 7, 2021
11 دسمبر 1922 کو پشاور محمد یوسف خان کی حیثیت سے پیدا ہوئے ، انہوں نے 1944 میں جوار بھاٹا سے اپنے فلمی کیریئر کا آغاز کیا۔ ان کے بعد ان کی اہلیہ 75 سال سائرا بانو رہ گئیں۔ رومینٹک ہیرو دلیپ کمار نے بالی ووڈ میں 65 سے زائد فلموں میں کام کیا. دلیپ کمار اپنے دور کے ایسے اداکار تھے جن کے اسٹائل کی نقل لڑکے کرتے تھے اور ان کی ساتھی ہیروئینوں کے ساتھ ساتھ عام لڑکیاں بھی ان پر مرتی تھیں۔ ہیروئین مدھوبالا سے ان کے عشق کے چرچے رہے لیکن یہ دونوں زندگی میں کبھی ایک نہ ہوسکے۔
