ماسکو ( گلف آن لائن)روسی صدر ولادیمیر پیوٹن نے کہا ہے کہ امریکا کے ساتھ ہتھیاروں کے کنٹرول پر تعمیری بات چیت کے لیے تیار ہیں۔ میڈیارپورٹس کے مطابق ماسکو میں انرجی کانفرنس سے خطاب کرتے ہوئے روسی صدر کا کہنا تھا کہ ماسکو اپنے جدید ہتھیاروں سے کسی دوسرے ملک کو نہیں دھمکا رہا۔انہوں نے کہا کہ امریکا کی افغانستان میں مداخلت سانحہ کا باعث بنی ہے۔
غیرملکی ایجنٹوں سے متعلق روسی قانون ملک کو بیرونی اثر و رسوخ سے بچانے میں استعمال ہورہا ہے۔ خبر ایجنسی کے مطابق صدر پیوٹن نے کہا کہ روس غیر ملکی فنڈڈ اداروں کے لیے غیر ملکی ایجنٹ کی اصطلاح استعمال کرتا ہے۔
