حکومت نے نواز شریف کو صحت کارڈ جاری کر دیا

لاہور(گلف آن لائن)حکومت کی جانب سے سابق وزیر اعظم و مسلم لیگ (ن) کے قائد نواز شریف کو صحت کارڈ جاری کر دیا گیا۔نجی ٹی وی کے مطابق محکمہ صحت کی جانب سے اس حوالے سے نواز شریف سے مخاطب ہو کر کہا گیا ہے کہ آپ صحت کارڈ کے ذریعے سالانہ 10 لاکھ روپے تک علاج کرا سکتے ہیں۔نواز شریف بطور سربراہِ خاندان مزید ایک فرد کا علاج کرانے کے مجاز ہیں۔محکمہ صحت کا یہ بھی کہنا ہے کہ علاج میں 10 لاکھ روپے سے زائد رقم کی ضرورت پڑی تو خصوصی کمیٹی اس کا انتظام کرے گی۔