لاہور(گلف آن لائن)نامور گلوکارہ سائرہ نسیم نے کہا ہے کہ خوبصورت آواز خدا کا تحفہ ہے اور میں اس عطا پر اس ذات کی بیحد شکر گزار ہوں،صرف پاکستان ہی نہیں دنیا بھر میں میرے پرستار موجود ہیں اور ان کی دعائوں سے اس مقام پر پہنچی ہوں ۔ ایک انٹر ویو میں گفتگو کرتے ہوئے انہوں نے کہا کہ پختہ گلوکاری کیلئے مسلسل ریاضت ضروری ہے ۔
میں نے جب بھی گایا ہے دل سے گایا ہے اورپرستاروں سے پسندیدگی کی صورت میں اس کے نتائج بھی ملے ہیں۔ سائرہ نسیم نے کہا کہ نہ صرف پاکستان بلکہ بیرون ممالک بھی پرستار بیحد محبت اور احترام دیتے ہیں۔ بیرون ممالک مقیم پاکستانی جس طرح اپنی پلکوں پر بٹھاتے ہیں اس سے بڑی خوشی ملتی ہے اور میں بھی انہیں اتنی محبت سے اپنے گیت سناتی ہوں۔
