ممبئی (نمائندہ خصوصی)بالی ووڈ کے معروف اداکار سلمان خان عرف سلو بھائی ایشیاء کے سب سے زیادہ معاوضہ وصول کرنے والے اداکار بن گئے۔بھارتی میڈیا رپورٹس کے مطابق اداکار نے بگ باس سیزن 16 کی میزبانی کے فرائض انجام دینے کے لیے 8 سو کروڑ بھارتی روپے کا ناقابلِ یقین معاہدہ کیا ہے۔
سلمان خان نے اس شو کی پروڈکشن ٹیم سے شو کی میزانی کیلئے 10 ٹریلین بھارتی روپے کی ڈیمانڈ کی تھی جس کے بعد بہت سے لوگ اس بارے میں غیر یقینی صورتِ حال کا شکار ہو گئے تھے کہ بگ باس کے اگلے سیزن کے میزبان سلمان خان ہی ہوں گے۔کچھ بارگیننگ کے بعد سلمان خان کی بگ باس کے سیزن 16 کیلئے 8 سو کروڑ بھارتی روپے میں ڈیل ہو گئی۔
خیال رہے کہ سلمان خان نے اس بار ریئلیٹی ٹی وی شو کی میزبانی کے لیے پچھلے سیزن کے مقابلے میں 3 گنا زیادہ فیس کی ڈیمانڈ کی تھی۔رپورٹس کے مطابق اداکار نے پچھلے کچھ سیزنز کی میزبانی کے لیے فیس میں بہت زیادہ اضافہ نہیں کیا تھا، اْنہوں نے پچھلے سال بگ باس کے سیزن 15 کی میزبانی کے لیے ساڑھے 3 سو کروڑ بھارتی روپے وصول کیے تھے۔
