اسلا م آباد(گلف آن لائن)پاکستان پیپلز پارٹی کی رہنما اور وفاقی وزیر شیری رحمان نے کہا ہے کہ عوام کی فلاح و بہبود کیلئے سابق صدر زرداری انتھک محنت واقعی متاثر کن ہے۔
سابق صدر آصف زرداری کی سالگرہ کے موقع پر سینیٹر شیری رحمان نے کہا کہ آصف علی زرداری کے جنم دن کے موقع پر ان کو اور کے خاندان کو دلی مبارکباد اور نیک خواہشات پیش کرتی ہوں۔
انہوں نے کہاکہ ملک اور عوام کیلئے صدر زرداری نے نمایاں خدمات انجام دی ہیں،آصف علی زرداری نے پاکستان کھپے کا نعرہ لگا کر ملک کو ٹوٹنے سے بچایا، 18ویں متفقہ ترمیم پاس کر کے صوبوں کو حقوق اور اختیار واپس دئیے، صدر زرداری نے صدارتی اختیارات پارلیمان کو منتقل کر دئیے۔
شیری رحمان نے کہا کہ صدر زرداری کی قیادت اور کاوشوں نے سیاسی منظر نامے کی تشکیل میں اہم کردار ادا کیا ہے، صدر زرداری کی لمبی عمر، صحت اور خوشیوں کیلئے دعاگو ہیں۔
