دبئی (گلف آن لائن)آئی سی سی کرکٹ ورلڈ کپ میں پاکستان اور بھارت کا میچ 15 کے بجائے 14 اکتوبر کو ہوگا۔ذرائع کے مطابق ورلڈ کپ کے میچز ری شیڈول کرنے کے معاملے سے متعلق پی سی بی کی مشاورت جاری ہے اس حوالے سے ذرائع نے بتایا کہ پاکستان کرکٹ بورڈ کا شعبہ انٹرنیشنل اور ٹیم مینجمنٹ کے درمیان مشاورتی عمل جاری ہے جس کے مکمل ہونے پر ردو بدل پر فیصلہ ہوگا۔
ذرائع کے مطابق ردو بدل سے متعلق آئی سی سی نے پی سی بی سے رابطہ کیا تھا اور اب پی سی بی فیصلے سے جلد آئی سی سی کو آگاہ کردے گا۔ذرائع کے مطابق فریقین کے درمیان جلد شیڈول پر اتفاق رائے طے پا جائے گا۔ذرائع کے مطابق ورلڈکپ میں پاکستان کے 2 میچز ری شیڈول کیے جانے کا امکان ہے جبکہ ری شیڈولنگ میں وینیوز نہیں صرف تاریخیں تبدیل ہوں گی۔
ذرائع کے مطابق پاکستان اور ہالینڈ کا میچ 6 کے بجائے 5 اکتوبر یا بعد میں کرانے کی تجویز ہے۔یاد رہے کہ بھارت میں نوراتری تہوار اور چند بورڈز کی درخواست کی وجہ سے میچز کی ری شیڈولنگ کا فیصلہ کیا گیا ہے۔
