اسلام آباد(نمائندہ خصوصی)صدر مملکت عارف علوی نے انسانی بنیادوں پر 2سال سے کم سزا والی خواتین اور بچوں کو معافی کی منظوری دے دی۔
ایوان صدر کے مطابق صدر نے ان خواتین اور بچوں کی معافی کی منظوری بھی دی جن کی بقیہ سزا دو سال سے کم ہے،معافی کا اطلاق قتل، بغاوت، جاسوسی، اغوا، ڈکیتی اور ریاست کے خلاف سرگرمی کے مجرموں پر نہیں ہوگا۔
ایوان صدر کے مطابق معافی کا اطلاق زنا آرڈیننس، انسداد دہشت گردی اور انسداد منشیات قوانین کے مجرموں پر بھی نہیں ہوگا۔صدر نے معافی وزیراعظم کی ایڈوائس پر دی۔
