بیجنگ (نمائندہ خصوصی) متعدد ممالک کے سربراہان مملکت اور بین الاقوامی شخصیات نے چائنا میڈیا گروپ کے نامہ نگاروں کو دیئے گئے انٹرویو میں کہا کہ چین کی ترقی اور تبدیلیوں سے زمین آسمان کا فرق آیا ہے اور ایسی غیر معمولی کامیابیاں “جادو سے حاصل نہیں ہوتی ہیں”۔ کمیونسٹ پارٹی آف چائنا کی قیادت اور سخت محنت و لگن پر انحصار کرتے ہوئے، چین اپنی راہ پر گامزن ہے”۔
پاکستان کے وزیر اعظم شہباز شریف نے کہا کہ صدر شی جن پھنگ چین کی تبدیلی کی قیادت کر رہے ہیں۔ بہت سے بیرونی چیلنجز اور دیگر مسائل کا سامنا کرتے ہوئے، چین کو اپنا راستہ تلاش کرنے میں کامیابی حاصل ہوئی . یہ کوئی آسان کام نہیں ہے، اور یہ ایک بے مثال کامیابی ہے.
آسٹریا کے سابق چانسلر وولف گینگ شوسل کے مطابق انہوں نے چین کو پرامن ترقی کے راستے پر گامزن رہتے ہوئے، ایک غریب ترقی پذیر ملک سے امریکہ اور یورپ کے ساتھ تین بڑی طاقتوں میں سے ایک بنتے ہوئے دیکھا ہے ۔ چین نے غیر معمولی کامیابیاں حاصل کی ہیں۔
اقوام متحدہ کی جنرل اسمبلی کے 78 ویں اجلاس کے صدر ڈینس فرانسس نے کہا کہ یہ واضح ہے کہ یہ جادو نہیں تھا، یہ سخت محنت، نظم و ضبط اور لگن تھی۔ یہی وجہ ہے کہ چین نے اتنی کامیابیاں حاصل کی ہیں۔
