لاہور(نمائندہ خصوصی) ڈرامہ پروڈیوسر آصف علی راہی نے اسٹیج کی دو نامور اداکارائوں ندا چوہدری اور خوشبو خان کو اکٹھے ڈرامہ کرنے کیلئے راضی کر لیا ، دونوں اداکارائیں آج ( جمعہ) سے تماثیل تھیٹر میں شروع ہونے والے نئے اسٹیج ڈرامہ ” پاگل خانہ ” میں اپنے جلوے بکھیریں گی ۔ ڈرامے کی دیگر کاسٹ میں قیصر پیا،صباء چوہدری،بلا شیخوپوریا،وکی بٹ،گڈو کمال،امجد رانا سمیت دیگر شامل ہیں۔ ڈرامے کی ہدایات بھی قیصر پیا کی ہیں جبکہ اسے ڈاکٹر اجمل ملک نے تحریر کیا ہے ۔
پروڈیوسر آصف علی راہی نے گفتگو کرتے ہوئے کہا کہ پرستار دونوں اداکارائوں کے اکٹھے پرفارم کرنے پر بے حد خوش ہیں اور ان کی پرفارمنس دیکھنے کے لئے بیتاب ہیں ۔ آج جمعہ سے تماثیل تھیٹر میں شروع ہونے والے اسٹیج ڈرامہ کا اسکرپٹ بھی انتہائی دلچسپ ہے جبکہ ڈرامے کی تمام کاسٹ بھی اپنی پرفارمنس سے شائقین کو اپنے سحر میں جکڑنے کی صلاحیت رکھتی ہے ۔
