اسلام آباد (گلف آن لائن) نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ 24 گھنٹوں کے دوران ملک میں کورونا کی تشخیص کے لیے 39 ہزار 017 ٹیسٹ کیے گئے جن میں سے 663 افراد کورونا وائرس کا شکار ہوئے. اس طرح کورونا کیسز مثبت آنے کی شرح 1.69فیصد رہی۔ ملک میں اب تک کورونا کے مصدقہ مثبت کیسز کی تعداد 949,838 ہوگئی ہے جن میں سے 894,352 مریض شفایاب ہو چکے ہیں۔
Statistics 22 June 21:
Total Tests in Last 24 Hours: 39,017
Positive Cases: 663
Positivity % : 1.69%
Deaths : 27— NCOC (@OfficialNcoc) June 22, 2021
گزشتہ روز اس وبا نے مزید 27 افراد کی زندگیوں کو نگل لیا۔ اس طرح ملک میں اب تک اس وائرس سے جاں بحق افراد کی مجموعی تعداد 22 ہزار 034 ہوگئی ہے۔ ملک بھر میں کورونا وائرس کے فعال کیسز کی تعداد میں کمی آئی ہے اور فعال کیسز کی تعداد 33 ہزار 452 ہوگئی ہے۔ جب کہ 2 ہزار سے زائد مریضوں کی حالت تشویش ناک ہے۔