اسلام آباد (گلف آن لائن)اسلام آباد ہائیکورٹ میں نیویارک اپارٹمنٹ انکوائری میں آصف علی زرداری نے ضمانت قبل از گرفتاری کے لیے حاضری سے استثنیٰ مانگ لیا۔درخواست کے ساتھ کراچی کے نجی ہسپتال کی میڈیکل رپورٹ کو بھی منسلک کیا گیا۔
درخواست میں موقف اختیار کیاگیاکہ جون دوہزار اکیس سے آصف زرداری مختلف بیماریوں میں مبتلا ہیں،ڈاکٹرز نے صورت حال کے پیش نظر سفر کرنے سے منع کیا ہے۔
درخواست میں استدعا کی گئی کہ عدالت حاضری سے استثنیٰ کی درخواست منظور کرے،درخواست میں چیئرمین نیب کو فریق بنایا گیا ہے،چیف جسٹس اطہر من اللہ اور جسٹس عامر فاروق پر مشتمل دو رکنی بینچ کل جمعرات کو آصف زرداری کی ضمانت قبل از گرفتاری پر سماعت کریگا
