طرابلس (گلف آن لائن)لیبیا کے مقتول مرد آہن کرنل معمر قذافی کی بیٹی عائشہ قذافی نے اگلے ماہ لیبیا کے صدر کے لیے ہونے والے انتخابات میں اپنے بھائی کے صدارتی انتخابات میں حصہ لینے کی حمایت کی ہے۔
میڈیارپورٹس کے مطابق پریس کو جاری ایک بیان میں عائشہ قذافی کا کہنا تھا کہ میرے پیارے ملک کے بیٹوں، لیبیا کی آزاد عورتوں، مائوں، ، شہیدوں کی بہنوں اور وطن کے شریف لوگوں جن کے لیے میرے والد اپنی گواہی میں سفارش کی تھی، اب وقت آگیا ہے کہ ہم ذلت کی اس تاریک رات کو صبح روشن میں تبدیل کر دیں۔بیان میں مزید کہا گیا کہ تاریخ کے تجربات نے ہمیں سکھایا ہے کہ قوموں کو بیدار کرنے کے لیے لڑائیوں کے اوزار حالات، اعداد و شمار اور تغیرات کے مطابق مختلف ہوتے ہیں کیونکہ ان میں وطن سے کچھ نہیں ہوتا۔
عائشہ قذافی نے مزید کہا کہ اے آزاد اور معزز لیبیا، سچائی کی گھڑی آ گئی ہے۔ وقت کی پکار ہے کہ آپ کے اور میرے بھائی ڈاکٹر سیف الاسلام معمر القذافی ہمارے امیدوار ہیں۔ سیف الاسلام جسے آپ نے خوشحالی اور مصیبت میں، مشکلات اور آسانیوں میں اچھی طرح جانتے ہیں۔ سیف الاسلام نے اپنی نظریں لیبیا پرجمائے رکھیں۔
انہیں ملک چھوڑنے کے لیے لالچ اور بڑی بڑی پیش کشیں کی گئیں مگر انہوں نے وطن چھوڑنے سے انکار کر دیا۔ انہوں نے لیبیا کو ترجیح دی حالانکہ انہیں موت کا خطرہ تھا۔ اس کے خلاف سازشیں کی جارہی تھیں جو لیبیا کے لیے بہتری نہیں چاہتے تھے لیکن یہ اس کا واحد آپشن تھا، ہے اور رہے گا۔
