لاہور(گلف آن لائن)سینئر اداکار ایوب کھوسہ نے کہا ہے کہ حکمران کسی بھی ملک کا چہرہ ہو تے ہیں اس لئے ان کے قول و فعل میں تضاد نہیں ہونا چاہیے ،دوسروں کے احتساب کی بجائے پہلے اپنی خود احتسابی کرنی چاہیے ۔ ایک انٹرویو میں ایوب کھوسہ نے کہا کہ بد قسمتی سے موجودہ دور میں عوام کے لئے دو وقت کی روٹی کا حصول بھی مشکل بنا دیا گیا ہے ، حقائق تسلیم کرنے کی بجائے الٹا عوام کی آنکھوں میں دھول جھونکی جاتی ہے جو زیادہ تشویش کی بات ہے ۔
انہوںنے کہا کہ حکمرانوںکے قول و فعل میں تضاد نہیں ہونا چاہیے کیونکہ حکمران اپنے ملک کا چہرہ ہوتے ہیں ۔ عوام اب بہت قربانیاں دے چکے ہیں اس لئے اب حکمرانوںکو قربانی دینی چاہیے تاکہ عوام کو سکھ کا سانس مل سکے۔
