مکوآنہ (گلف آن لائن)جڑانوالہ پاکستان مسلم لیگ ن کے مرکزی رہنماء و سابق وزیر مملکت طلال چوہدری نے اپنے بیان میں کہا ہے کہ پی ٹی آئی کی مرکزی قیادت کی آمد پر حقیقی آزادی مارچ ناکام کارنر میٹنگ ثابت ہوئی ہے ضلع بنانے کا جھوٹا وعدہ کرنیوالوں کو غیور عوام نے یکسر مسترد کر دیا ہے جڑانوالہ آمد پر اسد عمر کو اپنے سیاسی قد کا اندازہ ہو گیا ہے کہ اہلیان جڑانوالہ نے حقیقی آزادی مارچ کی آڑ میں فسادی مارچ کو مسترد کر دیا ہے
پی ٹی آئی کی مرکزی قیادت کی جڑانوالہ آمد سے یہ بات عیاں ہو چکی ہے کہ ایسی کارنر میٹنگ سے انقلاب نہیں آتے طلال چوہدری نے مزید کہا کہ حقیقی آزادی مارچ کی آڑ میں ملک میں انتشار اور فساد پیدا کیا جا رہا ہے عمران خان کا بیانیہ بری طرح ناکام ہو چکا ہے پورے ضلع و تحصیل کے عہدیداران کارنر میٹنگ تک ہی محدود رہے جڑانوالہ کی غیور عوام نے فسادی مارچ میں شرکت نہ کرکے ثابت کر دیا ہے کہ ملک مزید انارکی کا متحمل نہیں ہے عمران خان فتنہ فساد اور انارکی کی سیاست کو فروغ دے رہا ہے اور اداروں پر جھوٹے الزامات لگا کر اپنی ناکامی کو چھیانے کی ناکام کوشش کر رہا ہے
طلال چوہدری نے مزید کہا کہ اسد عمر کی جڑانوالہ آمد پر کارنر میٹنگ کا انعقاد پی ٹی آئی کی مرکزی قیادت کیلئے باعث شرمندگی ثابت ہوئی ناکام جلسہ نے ثابت کر دیا ہے کہ عوام دوبارہ پی ٹی آئی کے جھانسے میں نہیں آئے گی طلال چوہدری نے مزید کہا کہ مسلم لیگ ن ہی واحد سیاسی جماعت ہے جو ملک کی بقا اور عوام کے حقوق کی جنگ لڑ رہی ہے جڑانوالہ مسلم لیگ ن کا گڑھ ہے اور الیکشن وقت پر ہی ہونگے عمران خان اقتدار کیلئے عوام کو گمراہ کرنے کی ناکام کوشش کر رہی ہے
